قوباد تاڵەبانی، لێپرسراویی مەکتەبی سکرتارییەتی سەرۆک مام جەلال هەردوو بۆردی تێکۆشەرە دێرینەکان و بۆردی رێکخستنی یەکێتیی نیشتمانیی کوردستانی بەسەر کردەوە و بە جیا لەگەڵ ئەندامانی هەردوو بۆردەکە کۆبووەوە.

لە هەردوو کۆبوونەوەکەدا باسی لە گۆڕانکارییەکانی ناو یەکێتی کرد و رایگەیاند: لە پرۆسەکەدا ئەرک و بەرپرسیارێتی بە کەسی شیاو دەسپێردرێت و رێز لە تێکۆشەرە دێرینەکان دەگیرێت و سوود لە ئەزمونی دەوڵەمەندییان وەردەگیرێت.

وتیشی ئێستا جەماوەری یەکێتی دڵخۆشن کە هیچ کاتێک یەکێتییەکەیان وەک ئێستا یەکڕیز نەبووە، هەربۆیە دەبێت رۆژ لە دوای رۆژ ئەم یەکڕیزییە بەهێزتر بکەین.