قوباد تاڵەبانی، جێگری سەرۆکوەزیران پێشوازیکرد لە ئەحمەد حەسەن ئەلشەحی، کونسوڵی گشتیی ئیمارات لە هەرێمی کوردستان و پێکەوە گفتوگۆیان کرد لەبارەی رووداوی هێرشکردنەسەر کۆرمۆر و پرسی پەیوەندیی ئابووری و بازرگانی نێوان ئیمارات و هەرێمی کوردستان.

هەردوولا بە توندی ئیدانەی هێرشکردنەسەر سەر کێڵگەی گازی کۆرمۆریان کرد. لەمبارەیەوە جێگری سەرۆکوەزیران ئاماژەی بەوەدا دەبێت یەکەم هەنگاوی حکومەتی داهاتووی عێراق کۆتاییهێنان بێت بەو گرووپ و هێزە چەکدارانەی دەرەوەی دەوڵەت کە ئاسایش و سەقامگیریی سیاسی و ئابوورییان خستووەتە مەترسییەوە.