قوباد تاڵەبانی، جێگری سەرۆکوەزیران لە کۆبوونەوەی لەگەڵ محەمەد ئەلحەسان، نوێنه‌رى تايبه‌تى سكرتێرى گشتیی نەتەوەیەكگرتووەكان له‌ عێراق رایگەیاند سلێمانی وەکچۆن هەمیشە بە شاری ئازادیی کاری سیاسی و ئازادیی رادەربڕین ناسراوە، لە ئێستا و لە داهاتووشدا هەر وەک شاری ئازادییەکان دەمێنێتەوە.

وتیشی لەپێناو سەروەریی یاسا و پاراستنی ئاسایش و سەقامگیری رێگە بە دروستبوون و جموجوڵی میلیشیا و هێزی چەکدار لە دەرەوەی یاسا نادرێت.