قوباد تاڵەبانی، جێگری سەرۆکوەزیران لەگەڵ بریجیش کومار، کونسوڵی گشتیی نوێی هیندستان کۆبووەوە و رایگەیاند: بۆ گەشەپێدانی کوردستان هاوکات لەگەڵ کارکردن بۆ چەسپاندنی سەروەریی یاسا و بەهێزترکردنی دامەزراوەکان، کار دەکەن بۆ بەهێزترکردنی کەرتی تایبەت و پەرەپێدانی کارسازی و تواناکانی هێزی کاری گەنجان لە بوارە جیاوازەکاندا.

جێگری سەرۆکوەزیران داوایکرد وەکچۆن لە رابردوودا حکومەتی هیندستان لە بواری کارسازی و پەرەپێدانی تواناکان هاوکار بووە، لە داهاتوودا لەمبارەیەوە زیاتر هاوکاریی هەرێمی کوردستان بکات.